ಕಲೆ ಮತ್ತು ಹಬ್ಬಗಳು

ಬೆಂಗಳೂರು ಕರಗ: ಬೆಂಗಳೂರು ಕರಗವು 9 ದಿನಗಳ ಕಾಲ ನಡೆಯುವ ಹಬ್ಬವಾಗಿದ್ದು, ಶಕ್ತಿ ದೇವಿಯ ಗೌರವಾರ್ಥವಾಗಿ ತಿಲಗ ಸಮುದಾಯದ ಸದಸ್ಯರು ಬೆಂಗಳೂರಿನಲ್ಲಿ ಆಚರಿಸುತ್ತಾರೆ. ಮಹಾಭಾರತದ ಸಮಯದಲ್ಲಿ, ಪಂಚ ಪಾಂಡವರ ಪತ್ನಿ ದ್ರೌಪದಿ ರಾಕ್ಷಸ ತಿಮಿರಸುರನನ್ನು ಸೋಲಿಸಲು ಹಲವಾರು ವೀರ ಕುಮಾರರ ಸಣ್ಣ ಸೈನ್ಯವನ್ನು ರಚಿಸಿದಳು. ದ್ರೌಪದಿಯ ದೇಹಾಂತ್ಯದ ಸಮಯದಲ್ಲಿ ಈ ವೀರ ಕುಮಾರರು ಅವರನ್ನು ಬಿಟ್ಟು ಹೋಗದಂತೆ ಬೇಡಿಕೊಂಡರು. ದ್ರೌಪದಿ ಬದಲಿಗೆ ಪ್ರತಿ ವರ್ಷ ಚೈತ್ರ ಮಾಸದ ಹುಣ್ಣಿಮೆಯ ದಿನದಂದು ಭೂಮಿಗೆ ಹಿಂದಿರುಗುವ ಭರವಸೆ ನೀಡಿದಳು. ಆದಿಶಕ್ತಿ ರೂಪದಲ್ಲಿ ದ್ರೌಪದಿ ಭುವಿಗೆ ಮರಳಿದ್ದನ್ನು ಗುರುತಿಸಲು ಪ್ರತಿ ವರ್ಷ ಕರಗ ಹಬ್ಬವನ್ನು ಆಚರಿಸಲಾಗುತ್ತದೆ.
ಕರ್ನಾಟಕ ರಾಜ್ಯೋತ್ಸವ: ಕರ್ನಾಟಕ ರಾಜ್ಯ ಸಂಸ್ಥಾಪನಾ ದಿನವನ್ನು ಪ್ರತಿವರ್ಷ ನವೆಂಬರ್ 1 ರಂದು ‘ರಾಜ್ಯೋತ್ಸವ’ ದಿನವಾಗಿ ಆಚರಿಸಲಾಗುತ್ತದೆ. 1956 ರ ನವೆಂಬರ್ 1 ರಂದು ದಕ್ಷಿಣ ಭಾರತದ ಕನ್ನಡ ಮಾತನಾಡುವ ಪ್ರದೇಶಗಳ ವಿಲೀನದ ಮೂಲಕ ಕರ್ನಾಟಕ ರಾಜ್ಯವನ್ನು ಸ್ಥಾಪಿಸಲಾಯಿತು.
ಬಸವನಗುಡಿ ಕಡಲೆ ಕಾಯಿ ಪರಿಷೆ:ಬಸವನಗುಡಿ ಕಡಲೆ ಕಾಯಿ ಪರಿಷೆ ಬೆಂಗಳೂರು ನಗರದ ಬಸವನಗುಡಿ ಪ್ರದೇಶದಲ್ಲಿ ನಡೆಯುವ ವಾರ್ಷಿಕ ನೆಲಗಡಲೆ ಜಾತ್ರೆ. ಬಸವನಗುಡಿ ಕಡಲೆ ಕಾಯಿ ಪರಿಷೆಯನ್ನು ಬುಲ್ ಟೆಂಪಲ್ ರಸ್ತೆಯ ಎರಡೂ ಬದಿಗಳಲ್ಲಿ ಮತ್ತುಸುತ್ತಮುತ್ತಲಿನ ಪ್ರದೇಶದಲ್ಲಿ ಎರಡು ದಿನಗಳ ಕಾಲ ನಡೆಸಲಾಗುತ್ತದೆ
ನಮ್ಮ ಬೆಂಗಳೂರು ಹಬ್ಬ: ಪ್ರತಿವರ್ಷ ಸುಮಾರು 10 ದಿನಗಳವರೆಗೆ ಆಚರಿಸಲಾಗುವ ಬೆಂಗಳೂರು ಹಬ್ಬ ಕಲೆ, ಸಂಗೀತ, ಪುಸ್ತಕಗಳು, ಸಂಸ್ಕೃತಿ ಮತ್ತು ಪಾಕ ಪದ್ಧತಿಗಳ ಆಚರಣೆಯಾಗಿದೆ.
ಬೆಂಗಳೂರು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ: ಸಾಮಾನ್ಯವಾಗಿ ಫೆಬ್ರವರಿಯಲ್ಲಿ ಸುಮಾರು ಒಂದು ವಾರ ನಡೆಯುತ್ತದೆ, ಸೃಜನಶೀಲ ಚಲನಚಿತ್ರ ತಯಾರಕರು ಮತ್ತು ಪ್ರೇಕ್ಷಕರನ್ನು ಒಟ್ಟುಗೂಡಿಸುತ್ತದೆ. https://biffes.in/
ರಾಮನವಮಿ ಸಂಗೀತೋತ್ಸವ: ಪ್ರತಿವರ್ಷ ಒಂದು ತಿಂಗಳ ಕಾಲ ನಡೆಯುವ ಶಾಸ್ತ್ರೀಯ ಸಂಗೀತೋತ್ಸವ, ರಸಿಕರನ್ನು ರಂಜಿಸುತ್ತದೆ ಮತ್ತು ನೂರಾರು ಗಾಯಕರು ಹಾಗೂ ಸಂಗೀತಗಾರರಿಗೆ ವೇದಿಕೆ ಒದಗಿಸುತ್ತದೆ http://www.ramanavami.org/
ಲಾಲ್‌ಬಾಗ್ ಉತ್ಸವಗಳು : ಲಾಲ್‌ಬಾಗ್ ವರ್ಷಪೂರ್ತಿ ಫಲಪುಷ್ಪಪ್ರದರ್ಶನಗಳು, ಮಾವು / ಹಲಸು ಹಬ್ಬಗಳು ಮತ್ತು ಇತರ ಕಾರ್ಯಕ್ರಮಗಳನ್ನು ಆಯೋಜಿಸುತ್ತದೆ.